سياسة الخصوصية

مين احنا

Envello موقع مصري لتصميم الدعوات أونلاين. لأي سؤال عن بياناتك كلّمنا على hello@envello.johns-haus.com.

بنجمع إيه من أصحاب الدعوات

الإيميل اللي بتسجّل بيه، ومحتوى الدعوة اللي بتكتبه، والصور والأغاني اللي بترفعها.

لما تدفع: اسم أو رقم اللي حوّل، رقم العملية، وسكرين شوت التحويل لو بعتها. السكرين شوت بتتخزن بشكل خاص ومحدش يشوفها غيرنا.

بنجمع إيه من المعازيم

بس اللي الضيف بيكتبه في فورم تأكيد الحضور: الاسم، العدد، رقم الموبايل لو صاحب الدعوة طلبه، والرسالة.

بنحتفظ ببصمة مشفّرة (hash) من عنوان الـ IP عشان نمنع الردود المزعجة، مش العنوان نفسه.

كوكي عشوائية بتعدّ الموبايلات اللي فتحت المسودة (حد العشر موبايلات).

إطار الصور بيشتغل على موبايل الضيف بالكامل. الصورة مش بتترفع ومش بتتخزن عندنا خالص.

ليه بنستخدمها

عشان نشغّل الخدمة، ونأكد المدفوعات، ونبعت إيميلات الدخول وحالة الطلب، ونمنع الإساءة. مبنبيعش بياناتك ومبنستخدمش إعلانات تتبّع.

مين بيشوفها

صاحب الدعوة بيشوف ردود معازيمه. بنستخدم مزوّدين بيشغّلوا الخدمة نيابة عننا: Supabase (قاعدة البيانات والتخزين)، Vercel (الاستضافة)، وResend (الإيميلات). مفيش حد تاني.

بنحتفظ بيها قد إيه

صفحة الدعوة بتتقفل بعد آخر مناسبة بـ ٩٠ يوم إلا لو اشتريت إضافة "خلّيها أونلاين على طول". بيانات حسابك بتفضل طول ما الحساب موجود.

لو طلبت المسح بنمسح بياناتك خلال ٣٠ يوم، ما عدا سجلات الدفع اللي القانون بيطلب نحتفظ بيها.

حقوقك

ليك تطلب نسخة من بياناتك، أو تصحيحها، أو مسحها، أو تعترض على استخدامها، طبقًا لقانون حماية البيانات الشخصية المصري رقم ١٥١ لسنة ٢٠٢٠. ابعت لـ hello@envello.johns-haus.com.

الكوكيز

بنستخدم كوكيز ضرورية بس: جلسة الدخول، وعدّاد موبايلات المسودة، ونقل المسودات لحسابك. مفيش كوكيز إعلانات.

التعديلات

لو غيّرنا السياسة دي هنحدّث التاريخ اللي فوق، ولو التغيير كبير هنبعتلك إيميل.